O mércores 1 de maio de 2024 é festivo nacional, co cal este centro pecharía tal e como se recolle na orde que regula o calendario escolar dos centros educativos: https://crdourense.com/calendario-escolar/
De xeito excepcional, para facilitar a vida dos nosos residentes e colaboradores, o día festivo mércores 1 de maio do 2024 o Centro Residencial Docente de Ourense permanecerá aberto.
Por iso, facilitanse para os residentes 2 opcións:
- Permanecer no centro ese día como calquera outro día, sen necesidade de ter que deixar o martes á tarde a residencia, informando de que quedades aos vosos titores.
Se é así, debedes apuntarvos para a comida e a cea do mércores día 1 de maio, como xa sabedes facer, desde a páxina web do centro, ata o luns 29 de abril antes das 20:00 horas.
O funcionamento do centro en día festivo tédelo na páxina web en: Horario do CRD de Ourense en días festivos (se é preciso): https://crdourense.com/horarios/ - Deixar a residencia o martes día 30 de abril pola tarde e non vos podedes incorporar ata o mércores a partir das 20:00 horas (coma se fose un domingo). Se vides cear ese día ao centro, tedes que apuntarvos desde a páxina web. Tedes ata o luns 29 de abril antes das 20:00 horas. Non está permitida a incorporación antes dese horario para os resident@s que decidan non permanecer no centro.
Estamos seguros de que vos dades de conta do enorme esforzo por parte do persoal do centro (é un día festivo, de non traballo) para abrir o centro co fin de facilitarvos a vida no mesmo.
